♦ ACADEMIA ÁGORA
Dende Itínera impulsamos a creación dun centro de estudos co obxectivo de completar a formación académica e cultural de usuarios e usuarias que, pola irrupción da enfermidade, non puideron continuar os seus estudos ou, nalgún caso, non tiveron acceso a eles. Neste programa están incluidas actividades como: Grupo de apoio ao estudo; Informática, Escola de Idiomas; Desenvolvemento Cultural, a través de grupos de lectura, obradoiros de escritura, iniciación ao cine e servizo de biblioteca; Análise Crítico e Debate, onde as persoas voluntarias e usuarias traballan conxuntamente e reflexionan sobre temas de actualidade, e o noso equipo de Redacción que o longo de este ano reconstruirá esta mesma web.
Obxectivos:
- Completar unha formación académica inacabada.
- Preparar ós usuarios para unha incorporación laboral posterior.
- Mellorar a motivación e a autoestima.
- Incorporar ás novas tecnoloxías a persoas sen contacto anterior coa informática.
- Adquisición de habilidades sociais e fomento das relacións interpersonais.
Descrición das actividades:
Este proxecto divídese en seis liñas:
- Formación: clases de apoio para conseguir o graduado escolar, a ESO ou o Bacharelato.
- Técnicas de estudio: dirixido a persoas que estean preparando unha oposición ou cursen unha carreira universitaria. Apoiaselles con clases particulares e realízase un seguimento constante. Así mesmo, ofreceselles un lugar de estudo tranquilo.
- Escola de Idiomas: impártense clases de inglés e francés en niveles de iniciación e medio.
- Informática: esta actividade comprende: iniciación á informática e ofimática básica (Word e Excel) e Internet.
- Habilidades xurídicas e administrativas: introducción básica ó mundo do dereito, co obxectivo de que estas persoas sexan coñecedoras en todo momento dos seus dereitos. Tamén se lles instrúe no manexo dos seus deberes coas distintas administracións e tamén nos seus dereitos como consumidores e usuarios de todo tipo de servizos.
- Actividades culturais: creación de grupos de lectura, obradoiros de escritura, iniciación ao cine, debate...
Lugar de realización: sede da Asociación.
♦ CLUBE DE LECTURA
Os participantes nesta actividade debatirán nun coloquio semanal sobre literatura.
Este obradoiro impartirase en tres bloques:
- Charla sobre un libro ou un autor importante na
historia da literatura, persoaxes literarios famosos e
crítica literaria.
- Taller de escritura: os participantes redactarán un
escrito sobre o que acaban de aprender.
- Comentario literario: cada un dos usuarios comentará o libro que está a ler pola súa conta nese momento.
Número de usuarios: ata un número de oito.
Lugar de realización: sede da Asociación.
Data de realización: venres pola mañá.
♦ DEBATE E ANÁLISE CRÍTICO
Cada semana propóñense unha serie de temas de actualidade e voluntarios e usuarios forman grupos para preparalos e debatilos.
Número de usuarios: aproximadamente vinte.
Lugar de realización: sede da Asociación.
Data de realización: martes pola
tarde.
♦ INFORMÁTICA
Este programa ten varios niveis. O máis básico consiste no achegamento ó mundo da informática e dos ordenadores a internos de longa estadía no Psiquiático que non saben manexar un rato nin usar o sistema operativo Windows. No nivel máis avanzado ensínase a utilizar scanners, Photoshop, e perfeccionamento do Office, así como nocións básicas de acceso a Internet e creación da nosa páxina web.
A clases terán lugar tanto dentro do Hospital para os internos como fóra, no centro sociocultural de Fontiñas e no Aurelio Aguirre encarado para a xente dos centros de día.
Número de usuarios: ata un número de 6 por clase.
Lugar de realización: Centros Socioculturais Aurelio Aguirre (Conxo) e Fontiñas.
Data de realización: luns e mércores pola
mañá e pola tarde.
♦ INICIACIÓN AO CINE
Os usuarios e voluntarios desta actividade participarán nun coloquio semanal sobre cine.
Este obradoiro impartirase en tres bloques:
- Charla sobre as películas e os autores más importantes
da historia do cine, así como dos detalles técnicos do
rodaxe dun filme.
- Visionado dunha película clásica.
- Coloquio entre os participantes sobre o filme.
Número de usuarios: aproximadamente 15.
Lugar de realización: sede da Asociación.
Data de realización: xoves de 17:00 a 19:15.